Zəfər Bağları milli aqrar sərgidə iştirak edərək məhsullarını, istehsal imkanlarını və B2B əməkdaşlıq istiqamətlərini peşəkar ziyarətçilərə təqdim edib. Tədbir çərçivəsində potensial alıcılar, distribütorlar və biznes nümayəndələri ilə görüşlər keçirilib.
Sərgi zamanı Qarabağda yetişdirilən nar məhsulları, emal imkanları və ixrac üçün nəzərdə tutulan məhsul çeşidləri barədə ətraflı məlumat verilib. Müxtəlif bazarların tələbləri və mümkün əməkdaşlıq modelləri tərəfdaşlarla müzakirə olunub.
Belə tədbirlər Zəfər Bağlarına yeni biznes əlaqələrinin qurulması, bazar tendensiyalarının izlənilməsi və potensial müştərilərin ehtiyaclarının daha yaxından öyrənilməsi üçün imkan yaradır.
Şirkət gələcəkdə də yerli və beynəlxalq aqrar və qida sənayesi tədbirlərində iştirak etməklə məhsullarının tanıdılmasını və tərəfdaşlıq şəbəkəsinin genişləndirilməsini davam etdirməyi planlaşdırır.