Zəfər Bağlarının Ağdam rayonunda yerləşən bağlarında yeni mövsümə hazırlıq çərçivəsində torpaq işləmə tədbirlərinə başlanılıb. İşlərin əsas məqsədi torpağın strukturunu yaxşılaşdırmaq və vegetasiya dövrü üçün uyğun şərait yaratmaqdır.
Hazırlıq prosesində bağ sahələrinin vəziyyəti qiymətləndirilir, torpağın qulluq ehtiyacları müəyyənləşdirilir və növbəti mərhələlər üçün aqrotexniki iş planı hazırlanır. Bu tədbirlər ağacların inkişafına və məhsulun formalaşmasına birbaşa təsir edən amillər sırasında yer alır.
Torpaq hazırlığı ilə yanaşı, suvarma sistemlərinin vəziyyəti və bağların ümumi infrastrukturu da nəzarətdən keçirilir. Mövsüm ərzində aparılacaq işlərin ardıcıllığı bağların faktiki vəziyyətinə uyğun planlaşdırılır.
Zəfər Bağları Ağdamdakı bağlarında müasir və məsuliyyətli kənd təsərrüfatı yanaşmalarını tətbiq edərək məhsul keyfiyyətini və bağların davamlı inkişafını qorumağı hədəfləyir.